Dj _music7
مرحبـــــــــ بكم ـــــــــــــــا
في منتديات DJ_7 music

ونتمنــا لكــم قضاء وقت ممتــع ...

Dj _music7

اغـ ـانــــي بكــل انـ واعهــا::العـــاب ::برامـ ـج::رســائــــل نصية 2011::مدائــ ـح::مقـ ـاطـع فيديــو::نكــــات سودانيــــــة2011::قران كـــــريم::احـ اديث دينيــــة...
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
سـلام ومراحب بكم علي منتدي دي جي ميوزك اتمني انه يعجبكم وياريت يكون التسجيل اكتر واكتر
مـوقع دي جي مـيوزك :: العاب كمبيوتر 2011 +برامـج جديدة +امثـال واحكام +اغاني بكل الانواع+فيديوهات+صور (مضحكة ,حب غريبة ..) +رسائل حب +قصائد عربية +شعر فكاهة +شعر في الحب ......
♥️||♥️wellcome♥️||♥️
how are you ?
اضغط علي عنها لن يكلفك شي اسمع القران الكريم وانته تتصفح الموقع :mms://radio.onlinehorizons.net/QuranKarem
http://www.iraqup.com/

شاطر | 
 

 بنت طالبة عريس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
xl.2Elnour
Admin


عدد المساهمات : 172
نقاط : 509
تاريخ التسجيل : 10/03/2011
العمر : 20
الموقع : dj_music7

مُساهمةموضوع: بنت طالبة عريس   السبت أبريل 09, 2011 2:04 am



I love you شعر مضحــك I love you

لي إيدينا بنرفع *** والعازب كلو بيسمع
نفوسنا كتير مشتاقة *** للراعي دوام نتضرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمر ولي ودع
نحن مساكين ياجماعة *** وللجنة دوام نتطلع
لو واحد قام وأتقدم *** في لحظة نلبي ونسمع
***
بلاش عربية خصوصي *** مالو الكداري دا هسع
بلاش من شبكة وشيلة *** بي أبسط حاجة بنقنع
البيت ماشرط عمارة *** دي مظاهر ساكت تخدع
لي جنة نضيرة نحول *** البيت الخرب البجمع
ما شرط تجيب تلاجة *** كفاية الزير البنقع
***
ما دايرين كبدة وشية *** بي ويكة تقيلة بنشبع
ما أصلو شبابنا الودع *** ما ممكن تاني بيرجع
أحلامنا الكانت بدري *** ما عادت تاني بتنفع
دايرين الشاب الأغبش *** حتى لو فقران ومقطع
لانو الفيهو الفايدة *** ليهو دوام نتطلع
حياة السترة أملنا *** انشاء الله ربنا يجمع
يحن الله علينا *** ونشيل أيدينا ونرفع
***
للرب شكوانا بنرفع *** والباير كله بيسمع
في دربك ياما جرينا *** والعين الساهرة بتدمع
كم مرة ايدينا اتمدت *** والرد الجارح اقنع
احلامكم والله غريبة *** وللعين بتزغلل وتذلع
طلباتكم لينا تحير *** جايين تتواضعوا هسع
ما جينا زمان شن قلتو *** يافقير يامقطع أرجع
***
ما عندك حق السفة *** لابس دمور ومرقع
دايرين العندو مصانع *** لو كان لي غيروا بيركع
ما جينا زمان شن قلتو *** يافقير يا مقطع أرجع
في جيوبك ساكنة عناكب *** لو كان باعوك ما بتنفع
دايرين العندو الفلة *** لو كان حنكوش ومدلع
ما جينا زمان شن قلتو *** يا فقير يا مقطع أرجع
***
لو ماشي لآخر الدنيا *** تركب رجليك تتبرطع
دايرين العندو البنز *** لو يبقى عجوزا أصلع
ما جينا زمان شن قلتو *** يافقير يامقطع ارجع
يا البيتك مبني زبالة *** ومن غير فيضان يتزعزع
دايرين العندو الفيلا *** لو كان صغير بيرضع
ما جينا زمان شن قلتو *** يا فقير يامقطع أرجع
***
وموكيتا فخما فاخر *** ونجفا بالدر مرصع
والكندشة فريون ضاربة *** وثلاجة فريزر تجمع
بي فيديو كاسيت وأتاري *** نتسلى لو وكتنا نضيع
ما جينا زمان شن قلتو *** يافقير يامقطع أرجع
***
دايرين زنقيل ومقندل *** لو كان تمساحا يبلع
والعملة الحرة ضروري *** والمهر دولارا يدفع
وبشرط الشيلة العامرة *** والكرسي الجابر يلمع
وذهبا مختوم وأساور *** مليانة الإيد للأصبع
وضروري الحفلة بوردي *** والكابلي اللحنو موقع
ونقضي عسل في أوروبا *** ونطوف العالم أجمع
بي لندن وروما وموسكو *** وفينا المدن الأربع
نلبس في الكاسي العاري *** ولو طلعت موضة بنتبع
وناكل فاكهة طازجة *** وبالخير نتمتع ونشبع
أفلامكم والله عجيبة *** خلونا نحمض ونطبع
ماجينا زمان شن قلتو *** يامبهدل أوعك تطمع
***
مد رجليك قدر لحافك *** وشوف ليك طورية وأزرع
لي مين تتقدم انت *** يا قرد ياقبيح يا مبرقع
كيفن بتحب يا أغبش *** من غير شاكوش تتفرقع
لو كان بنحب الزيك *** ما أخير الموت الأسرع
لو مت وفاتك تفرح *** ولو عشت حياتك تفجع
ولو تبقي ضراعي الأيمن *** في لحظة بنقطع ونجدع
***
ما قلنا الدنيا دي فانية *** وآمالنا مظاهر تخدع
اختاروا العندو ديانة *** الديمة وشو بيلمع
قلتولنا خلاص انتظرو *** الحور في الجنة بتنفع
الليلة قطركم صفر *** والعمر ولى ودع
عجزتو قعدتو تقولوا *** واشبابنا الأغبش أجدع
ماجينا زمان شن قلتو *** يافقير يا مقطع أرجع
***
ما جينا زمان ليه كنتو *** جاهلننا زي الشفع
ما خلاص الليلة وقعتوا *** من قد القفة الأوسع
والليلة قطركم دور *** وقعتوا في وش المدفع
رافعين الراية البيضاء *** لكن هيهات ما بتنفع
رافعين لعرس جماعي *** وفي العشرة ألف ما بنطمع
وهنيا ليكم كبدة وشية *** بعد الأضراس تتخلع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dj7music.mousika.org
 
بنت طالبة عريس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Dj _music7 :: سلة المهملات :: شعــر فكاهــة2011-
انتقل الى: